【而這麼多年以後】邀STRAYZ成員拍MV　吳嘉禧借新歌悼念愛貓：感謝牠

吳嘉禧 （Cheronna）相隔近一年推出新歌《而這麼多年以後》，更首次將歌曲融合藝術與經濟潮流，在MV中與虛擬NFT玩偶合作。

最新影片推介：七師傅專訪

早前Cheronna到流浮山「紮營」為新歌拍攝MV，拍攝當日天氣極不穩定下著大雨，幸當一行人到達拍攝的營地時，雨已停下。

而MV中Cheronna除了親自上陣演出外，還邀請到3位特別人物參與演出，其中兩位是曾參加《全民造星IV》的女團STRAYZ成員林暐翹（Wyllis）和何榛綦（Natalie）。

同是女團出身的Cheronna與WK和Nat十分合拍，並且交換女團心得與辛酸。

▲ 吳嘉禧於郊外拍攝新歌MV。

Cheronna笑說︰「喺年紀上面雖然同WK 和Nat可能有少少差距，但同佢哋相處咗一段時間，我好多謝佢哋帶咗好多青春俾我。」

另一「主角」為NFT玩偶「Babez」，Cheronna坦言這是她心靈的角色，她表示︰「呢個NFT公仔係做我心裏面嘅一個內在小孩或者一個小天使，佢係表示表現咗我個心情，譬如我開心嘅時候跟住我開心喇，我唔開心嘅時候，佢唔會好明顯話畀你聽，我好唔開心，但係佢係陪住你成長。」

▲ 邀得女團STRAYZ 成員林暐翹和何榛綦合作。

新歌獻給愛貓

講到「Babez」於MV中陪伴Cheronna成長，她坦言令她想起陪伴多年的愛貓早前回到天國，她表示︰「每當聽這首歌，都會起想牠，好感恩係佢教我珍惜、溫度同愛，牠離開前兩星期我係貼身照顧佢，雖然呢兩個星期佢好辛苦，但係好多謝有呢兩個星期我可以同佢咁樣去相處。」

與愛貓臨別前，Cheronna更率先向牠獻唱新歌，憑歌寄意，她說︰「雖然隻歌未出，但我唱咗畀佢聽，感謝我生命中有佢嘅存在，呢首歌永遠都會有佢嘅精神喺度。」